Ventilator-konvektorë dhe pompa termike: Këshilla për ngrohje dhe ftohje efikase

Sot ka mënyra të ndryshme për ngrohjen e shtëpisë suaj. A jeni të njohur me dallimet dhe avantazhet e secilit sistemi?

A ju kujtohet koha kur radiatorët ishin e vetmja mënyrë për ngrohjen e shtëpive? Por, me zhvillimin e teknologjisë dhe të sistemit, sot kemi një sërë opsionesh të reja për ngrohje në dimër që siguron rehatinë optimale të shtëpisë suaj.

Çdo sistem ngrohjeje ka karakteristikat e veta dhe avantazhet, por të gjithë premtojnë kursim të energjisë, që do të thotë faturat më të ulëta të ngrohjes.

Sistemet rrezatuese të ngrohjes

Për pallatet e reja, por edhe për rinovimin e atyre ekzistuese, sistemet e ngrohjes në dysheme po bëhen gjithnjë e më popullore si një alternative e qëndrueshme për radiatorët tradicionalë. Por, si funksionojnë këto sisteme dhe cilat janë përparësitë e tyre kryesore? Ndryshe nga radiatorët që zënë vend në shtëpinë tuaj, sistemi rrezatues i ngrohjes është pothuajse i padukshëm.

Ai përdor tuba të vendosura nën dysheme, nëpër të cilat zakonisht rrjedh uji në temperaturën midis 30 dhe 40°C. Kur të ngrohet dyshemeja, ngrohtësia përmes rrezatimit transmetohet brenda ambientit, duke ofruar rehati të paparë në shtëpinë tuaj. Kjo zgjidhje mund të përshtatet për përdorim në dysheme apo tavan, si dhe siguron besueshmëri dhe kohëzgjatje. Kursimi i energjisë sigurohet gjithashtu edhe në konfirurimet më të ulëta të temperaturës (ndryshe nga radiatorët që kërkojnë temperaturë mbi 60 grad në mënyrë që të punojnë mirë).

Këto kursime rriten konsiderueshëm nëse sistemi kombinohet me pompë termike, e cila përdor energjinë e ripërtëritshme falas (ajri i jashtëm, uji nëntokësor ose temperatura nëntokësore). Këto janë kursime të cilat nuk do t’i realizonit kurrë me bojler kondensimi që përdor karburant fosil.

Ventilator-konvektorë: Sistemet inovative për rehatinë tuaj

Çfarë janë ventilator-konvektorët në fakt? A janë të ngjashëm me radiatorët ose punojnë si ngrohës rrezatues? Ventilator-konvektorët nga pamja duken si radiatorët klasikë sepse kanë një terminal që mund të montohet në mur apo në dysheme. Dallojnë nga radiatori në dy aspekte kryesore: Ventilator-konvektorët lëshojnë ajër drejtpërdrejtë në mjedis dhe mund të përdoren jo vetëm për ngrohje por edhe për ftohje.

Mënyra e punës është fare e thjeshtë. Ventilator-konvektorët fillimisht thithin ajër nga ambienti me anë të ventilatorit, pastaj e çojnë atë në temperaturë të dëshiruar me anë të këmbyesit të nxehtësisë të instaluar në njësinë e kondensimit apo në pompë termike. Pasi të ngrohet apo ftohet ajri, mund të shpërndahet nëpër ambiente të ndryshme në shtëpi.

Natyrisht, si çdo zgjidhje tjetër për klimatizim, ventilator-konvektorët gjithashtu kanë përparësitë dhe mangësitë e veta. Njëra nga përparësitë kryesore është shpenzimi i ulët gjatë punës, e ngjashme me sistemet rrezatuese. Nga pikëpamja e ngrohjes, në fakt, mjafton temperatura e qarkullimit nga 45-50 °C në krahasim me 60-70 °C të radiatorit, gjë që mundëson funksionim të përsosur të ventilator-konvektorëve me gjeneratorë ngrohjeje me temperaturë të ulët (pompa termike) dhe sistemet diellore të ngrohjes. Përparësia tjetër është thjeshtësia e përdorimit, me modelet më të reja që kanë programe të shumta të ventilimit si dhe matës kohe për rregullimin e kohës.

Për sa i përket kënaqësisë që vjen nga temperatura e barabartë në të gjithë shtëpinë, kjo mund të arrihet thjeshtë me përzgjedhjen e produkteve më të përshtatshme me nevojat tuaja. Për shembull, në rast të ambienteve me sipërfaqe të madhe, rekomandohet instalimi i ventilator-kokonvektorit në mes të tavanit, ndërsa në ambiente më të vogla montimi në mur mund të jetë më i përshtatshëm.

Mangësia kryesore e ventilator-konvektorëve qëndron në kostot e larta të instalimit, por ato kompensohen me uljen e shpenzimit për rreth 30 përqind në krahasim me radiatorët. Ka dhe faktorë të tjerë siç janë zhurma, pluhuri dhe shpenzimi i energjisë elektrike.

Po pompat termike?

Mbase nuk dini se çfarë janë pompa termike?

Pompa termike nuk është zëvendësim për ventilator-konvektor apo sisteme të ngrohjes dhe ftohjes me anë të rrezatimit, por është pajisje kyçe e cila mundëson funksionimin e tyre. Bëhet fjalë për një gjenerator që dallon konsiderueshëm nga bojleri klasik. Dallimi kryesor është fakti që pompa termike mund të punojë në mënyrë efikase edhe në temperaturat e ulëta, prandaj nuk rekomandohet përdorimi i tyre në kombinim me radiatorët tradicionalë. Dhe akoma më e rëndësishme, pompat termike përdorin burimet e rinovueshme të energjisë.

Të gjithë e dimë që ventilator-konvektorët ju mundësojnë kursime të konsiderueshme të shpenzimeve të ngrohjes kur kombinohen me bojlerët që punojnë me karburant fosil siç është gazi. Megjithatë, integrimi i pompës termike në sistem ju krijon përparësi akoma më të mëdha.

Pompa termike për të gjitha nevojat

Clivet ofron lloje të ndryshme të pompave termike të cilat janë të përsosura për t’u kombinuar me ventilator-konvektorë, por edhe me sisteme të tjera siç janë sistemet rrezatuese në dysheme, mur apo tavan.

Në dispozicion janë dy lloje kryesore të zgjidhjes, të përshtatura me nevojat e pronarëve individualë të shtëpive, pallateve banimi, objekteve biznesi dhe industriale:

• Pompa termike split: Siç sugjeron dhe emri, këto pompa kanë njësi të brendshme dhe të jashtme, duke optimizuar shpërndarje dhe efektshmëri.
• Pompa termike monobllok: Këto njësi kombinojnë të dy komponente në një produkt, duke ofruar nivele të larta rehatie dhe kthim të konsiderueshëm të investimit.

Pompa termike të kompanisë Clivet janë zgjidhja ideale për të gjitha nevojat tuaja të ngrohjes dhe ftohjes, duke sjellë kursime dhe rehati në shtëpinë tuaj dhe ambientin e punës.