Pavarësia e plotë energjetike Përmirësoni cilësinë e jetesës me Smart Living

Një pjesë e madhe e jetës sonë kalon brenda mureve të shtëpisë sonë. Prandaj ajri i pastër, temperatura optimale dhe aplikacione të zgjuara për menaxhimin e ambientit mund të përmirësojnë cilësinë e jetës sonë.

Shprehja “rehatia e banimit” është bërë e njohur dhe shënon një gjendje mirëqenieje që mund të arrihet në një ambient të caktuar. Kjo gjendje varet nga faktorët e ndryshëm si temperatura, lagështia e ajrit, cilësia e ajrit dhe zhurma. Sipas hulumtimeve të fundit, ne kalojmë deri në 55% të kohës në shtëpi, dhe duke marrë parasysh këtë fakt, rehatia e banimit po bëhet gjithnjë e më e rëndësishme.

Rehatia e banimit ka një impakt të madh në shëndetin tonë dhe mund të ulë kostot e mbrojtjes shëndetësore. Gjithashtu aspekti ekologjik luan një rol të madh sepse efikasiteti energjetik është me rëndësi kyçe për arritjen e mirëqenies. Mendohuni pak për resurset e duhura për ngrohjen e shtëpisë në dimër, ftohjen në verë, përgatitjen e ujit të nxehte dhe mirëmbajtjen e ventilimit të duhur të ajrit. Në kontekstin ku shpenzimet energjetike përbëjnë një pjesë të konsiderueshme të buxhetit shtëpiak, përdorimi i zgjidhjeve klimatizuese që përdorin burime të rinovueshme të energjisë po bëhet i domosdoshëm. Jo vetëm për shkak të kujdesit për mjedisin dhe uljen e emetimeve të dëmshme, por edhe për shkak të kursimit në fatura.

Sistemi Smart Living për një rehati të zgjuar dhe të vetëdijshme të banimit

Smart Living është një sistem i integruar për menaxhimin e rehatisë dhe energjisë – dizajn kompanisë Clivet për përdorim në banesë. Ky sistem përfshin komponente në vijim:

• Pompë termike për ngrohje, ftohje dhe ujë të nxehtë
• Sistem për rinovim dhe pastrim ajri me rikuperim aktiv termodinamit dhe filtrim elektronik
• Clivet Sinergy: Bateria që mund të lidhet me panelet fotovoltaike për të ushqyer pajisje të ndryshme shtëpiake
• Termostate HID-TSmart
• Terminale dhomash pa zhurmë dhe me dizajn elegant
• Control4 NRG: Ndihmës për menaxhim inteligjen të rehatisë dhe energjisë

Për më shumë se 30 vjet Clivet punon në përmirësimin e rehatisë së jetesës, si për ata që blejnë pasuri të reja të patundshme, ashtu dhe për ata që planifikojnë të rinovojnë shtëpinë e tyre. Clivet ofron një gamë të gjerë produktesh për ngrohje, ftohje, pastrim ajri, ujë të nxehtë dhe integrim të paneleve diellore.

Me instalimin e sistemit “Smart Living”, Clivet bën një hap përpara në inovacione në mënyrë që zgjidhjet e tyre të bëhen akoma më efikase, më të lidhura dhe më të thjeshta për t’u monitoruar. Sipas kompanisë Clivet, shtëpia bëhet “e zgjuar” vetëm atëherë kur mund të ofrojë rehati më të mirë të banimit me shpenzimet minimale, madje dhe pa shpenzime. Por, si arrihet pavarësia energjetike e shtëpisë? Thjesht. Me integrimin e pompave termike, sistemeve të ruajtjes së energjisë Clivet Sinergy dhe me ndihmës intelingjent Control4 NRG.

Ngrohje ekologjikisht e pranueshme me pompë termike

Pompa termike është një alternativë ekologjike e bojlerit tradicional sepse kryesisht përdor energjinë e ajrit të jashtëm, ujërave nëntokësore ose të energjisë gjeotermale. Por, pompa termike jo vetëm që ofron ngrohje në shtëpi gjatë dimrit, por edhe mund ta ftohë atë gjatë muajve të verës, ku shpeshherë zëvendëson kondicionerin.

Kompania Clivet ofron një gamë të gjerë të pompave termike që mundësojnë kursim maksimal të energjisë dhe vijnë në konfirugime të ndryshme (split ose monobllok, të fshehura, të dukshme etj.) dhe përdorin mjet ftohës ekollogjikisht të pranueshëm R-32. Inovacioni është veçanërisht i theksuar tek modelet hibride, siç është pompa termike Sphera EVO 2.0 EASYHybrid që ka fituar çmimin Klimahouse Prize në kategorinë Market Performance për qëndrueshmëri dhe ekonomicitet në zëvendësim të bojlerit klasik.

Sphera EVO 2.0 është pompë termike ajër-ujë, në dispozicion me fuqi dhe konfigurime të ndryshme dhe kombinohet mirë me sistemet e ndryshme të ngrohjes. Përveç kësaj, ka dhe teknologji CD Inverter që mund të kombinohet me depozita për ujë të nxehtë deri në 250 litra.

Ajri i pastër me ventilim të kontrolluar mekanik

Cilësia e ajrit në shtëpinë tuaj është me rëndësi kyçe për shëndetin dhe rehatinë tuaj. Marrja e ajrit të freskët është jashtëzakonisht e rëndësishme sepse ndihmon në parandalimin e alergjive dhe problemeve të sistemit të frymëmarrjes. Disa hulumtime kanë treguar se ekspozimi ndaj grimcave mikro në ajër mund të rrisë riskun nga sëmundjet serioze siç janë kanceri dhe diabeti.

Për t’u siguruar që të keni ajër të pastër dhe të freskët në shtëpinë tuaj, kompania Clivet ofron sisteme të ventilimit të kontrolluar mekanik me emër ELFOFresh EVO. Ky sistem është ideal për instalim në tavane të varura, dhe përmasat e tij kompakte (me lartësi prej vetëm 29cm) mundësojnë integrim të thjeshtë. ELFOFresh EVO përdor sistem inovativ termodinamik për kthim të nxehtësisë, duke siguruar rinovim efektiv të ajrit.

Përveç lësaj, mund të zgjidhni edhe filtërin elektrostatik me performancë të lartë në mënyrë që të pastroni ajrin thellësisht. Ky sistem mund të dorëzojë ajër nga 125 deri në 500 m3/h, duke qenë i përshtatshëm për shtëpitë deri në 300 metra katror. Nuk është rastësi që pikërisht ky produkt fitoi çmimin e ventilimit më të mirë të vitit 2022 në Energy Saving Awards (UK) – Domestic Ventilation Product of the Year 2022.

Bëjeni shtëpinë tuaj të zgjuar me Sinergy dhe ndihmës Control4 NRG

Përparimi teknologjik dhe digjitalizimi kanë mundësuar shfrytëzimin maksimal të energjisë brenda shtëpisë, duke ofruar pavarësi të plotë energjetike. Sistemi modular për ruajtjen e energjisë me inverter Sinergy është i aftë që të ruajë energji elektrike të prodhuar nga panelet fotovoltaike gjatë ditës dhe ta përdorë atë për të ushqyer kondicionerët dhe sistemet për prodhimin e ujit të nxehtë gjatë natës.

Ndihmësi i zgjuar CONTROL4 NRG mundëson menaxhim efektiv të integrimit midis baterisë Sinergy dhe pompave termike, duke ofruar energji të duhur vetëm aty ku ka nevojë, në bazë të nevojave të të gjithë banorëve.

Në mënyrë që të kompletoni sistemin tuaj të zgjuar, Clivet gjithashtu ofron dhe kronotermostate Wi-Fi me ekran që preket, të dizajnuar për të optimizuar sistemet e pajisura me pompa termike Sphera EVO. Këto termostate janë në dispozicion në dy ngjyra dhe mund të kontrollohen në distancë nëpërmjet aplikacionit Clivet Home Connect të cilin mund ta gjeni në Google Play dhe App Store, ose nëpërmjet asistentëve popullorë siç është Alexa.