Energji elektrike përmes diellit: Panelet fotovoltaike në çati dhe kursimi i energjisë

Falë sistemeve fotovoltaike, tani mund të prodhoni energji të pastër elektrike duke përdorur energjinë e dritës së diellit. Këto sisteme janë zgjidhje ideale për përmbushjen e nevojave tuaja për energji elektrike në mënyrë të qëndrueshme, ndryshe nga panelet diellore që përdorin nxehtësinë e diellit për ngrohjen e ujit për shtëpinë.

Si kthehet energjia e diellit në energji elektrike e cila ushqen pajisjet siç janë pompa termike, kondicionerë dhe televizorë? Kjo mundësohet falë qelizave fotovoltaike të prodhuara nga siliciumi i pastër 99%, të cilat përbëjnë panelet fotovoltaike, dhe me ndihmën e një pajisjeje që quhet inverter. Panelet gjenerojnë rryme elektrike direkte, ndërsa inverteri e shndërron atë në rrymë të alternuar e cila mund të përdoret menjeherë në shtëpi.

Pajisjet fotovoltaike në çati: Avantazhet tejkalojnë mangësitë

Avantazhet e çative fotovoltaike tejkalojnë mangësitë. Ja disa arsye pse duhet të mendoni për instalimin e sistemit fotovoltaik:

• Zvogëlimi i faturave të energjisë: Sistemi fotovoltaik e ul varësinë tuaj nga rrjeti i energjisë elektrike duke ju mundësuar përdorimin e energjisë që keni prodhuar vetë. Me përdorim të efektshëm, mund të kurseni deri në 55% në faturat e energjisë elektrike në shtëpinë tuaj. Me shtimin e baterisë elektrike për ruajtjen e energjisë, siç është Clivet Sinergy, mund të rrisni kursimet tuaja akoma më shumë.
• Prodhimi i energjisë së pastër: Sistemi fotovoltaik kontribuon në zvogëlimin e emetimeve të gazrave serë dhe mbështet përdorimin e burimeve të rinovueshme të energjisë, që favorizon mjedisin dhe përkrah modelin e qëndrueshëm ekonomik.
• Rritja e vlerës së pasurisë së patundshme: Instalimi i sistemit fotovoltaik rrit vlerën komerciale të shtëpisë suaj dhe ju mundëson optimizim të investimeve në pasuri të patundshme. Blerësit potencialë e vlerësojnë praninë e kësaj teknologjie.
• Mirëmbajtje e thjeshtë: Mirëmbajtja e sistemeve fotovoltaike është e thjeshtë dhe e lirë për t’u mirëmbajtur, varësisht nga numri i moduleve të instaluara dhe vjetërsia e sistemit. Natyrisht, është e rëndësishme që të mbahet efektshmëria e lartë e sistemit duke pastruar panelet dhe duke kontrolluar herë pas here komponentët.

Vlen të përmendet se sistemi fotovoltaik prodhon energji vetëm kur shkëlqen dielli, ndaj gjatë natës dhe ditëve me reshje duhet të përdoret rrjeti elektrik. Megjithatë, sistemi i ruajtjes së energjisë si Cliver Sinergy mund të kompensojë këtë pabarazi, duke ju mundësuar përdorimin e energjisë së ruajtur sa herë që keni nevojë, madje kur s’ka diell.

Kërkesat e çatisë për efektshmërinë e sistemit

Nëse mendoni për instalimin e sistemit fotovoltaik, është e rëndësishme të merrni parasysh dhe kërkesat e çatisë suaj në mënyrë që të arrini efektshmërinë maksimale të sistemit. Më poshtë janë kërkesat kryesore për efektshmërinë maksimale:

• Pozicionimi: Pozicionimi më i mirë i paneleve është në drejtim të jugut, ku drita e diellit është më e fortë dhe zgjat më shumë. Kjo do të sigurojë efektshmëri më të mirë, sidomos për çatitë me pjerrësi të kthyera nga jugu. Kjo nuk është problem te çatitë e sheshta të cilat u japin më shumë fleksibilitet montuesve.
• Sipërfaqja e çatisë: Sa më e madhe sipërfaqja e çatisë ku montohen panelet, aq më shumë energji do të prodhoni dhe aq më shumë energji elektrike do të keni në dispozicion.
• Pjerrësia dhe pengesat: Pjerrësia e duhur u mundëson paneleve që të kapin më shumë dritë dhe të arrijnë më shumë efektshmëri. Gjithashtu është e rëndësishme që të mos ketë ndërtesa të tjera në afërsi të cilat do të hidhnin hije mbi panelet.

Shfrytëzimi maksimal i sistemit fotovoltaik

Në mënyrë që të shfrytëzoni maksimalisht energjinë e prodhuar elektrike dhe të mundësoni ushqyerje të pavarur të pajisjeve siç janë pompa termike apo bojlerë gjatë mbrëmjes dhe natës, më mirë të kombinoni sistemin fotovoltaik me sistemin e ruajtjes së energjisë.

Sinergy është sistem i ri modular i cili instalohet thjeshtë, i zhvilluar nga kompania Clivet për të mbështetur arritjen e pavarësisë energjetike të shtëpive. Është i përsosur për objekte të reja dhe të rinovuara, sistemi është në dispozicion në katër kapacitete, nga 5 kWh (për ambiente të vogla të banimit) deri në 20 kWh (për objekte më të mëdha dhe të mesme). Produktet udhëheqëse Sinergy të kompanisë Clivet gjithashtu përfshijnë një teknologji të veçantë të prodhimit të baterive litium hekurfosfat, që garantojnë kohëzgjatjen prej 10.000 cikle të zbrazjes dhe karikimit.