Cilësia më e mirë e ajrit: Çfarë është ventilimi i kontrolluar mekanik?

Qoftë kur bëhet fjalë për faktorët kimik, fizik apo biologjik, ndotja e ajrit të brendshëm mund të cenojë shëndetin e njeriut.

Në mënyrë që të mbahet nën kontroll cilësia e ajrit, zgjidhjet alternative siç është ventilimi i kontrolluar mekanik po bëhen gjithnjë e më të nevojshme.

Nga tymi i duhanit në ambient deri te monoksidi dhe dioksidi i azotit, si dhe monoksidi i karbonit, qimet e kafshëve shtëpiake, marimangat e pluhurit dhe myk. Ajri që marrim çdo ditë në shtëpi, në zyrë apo në ambiente të tjera të mbyllura, është plot me lëndë ndotëse.

Rinovimi i përshtatshëm i ajrit

Duke marrë parasysh faktin që shumica e njerëzve kalojnë rreth 90% të kohës së tyre në ambiente të mbyllura, rinovimi i përshtatshëm i ajrit është absolutisht i domosdoshëm. Nuk habit dhe fakti që Istituto Superiore di Sanità (instituti kombëtar italian i shëndetit publik) ka përkufizuar ndotjen e ajrit në ambiente të hapura dhe të mbyllura si „faktor udhëheqës i riskut për shëndetin publik“.

Lëndët kryesore që mund të ndikojnë në cilësinë e ajrit të brendshëm në përgjithësi klasifikohen si faktorë kimik, fizik dhe biologjik. Ato mund të vijnë jo vetëm nga burimet e jashtme, siç është ndotja e ajrit të brendshëm ose polen, por edhe nga burimet e brendshme. Burimet e brendshme përfshijnë njerëzit dhe kafshët që jetojnë në një ambient të caktuar, pluhurin i cili është vend ideal për përhapjen e mikroorganizmave, materialet ndërtimore, mobiliet dhe sisteme të ndryshme.

Agjentët kimik mund të ndotin ajrin e ambienteve të mbyllura

Faktorët kimik në formë të gazrave anorganike shpeshherë gjenden në ambientin e shtëpisë. Për shembull, pirja pasive e duhanit kontribuon në ndotjen e ajrit të brendshëm: Në fakt, djegia e duhanit krijon më shumë se 4000 lëndë kimike jashtëzakonisht toksike, madje dhe kancerogjene.

Shembulli tjetër janë djegiet e lidhura me gatimin e ushqimit dhe ngrohjen, që çojnë në rritjen e përqendrimeve të monoksidit dhe dioksidit të azotit (NO dhe NO2), dioksidit të karbonit (CO2) dhe monoksidit të karbonit (CO).

Sasia e konsiderueshme e lëndëve ndotëse lëshohet edhe nga materialet ndërtimore, materialet për mobilie dhe produktet për pastrim dhe mirëmbajtje. Gjithashtu kjo mund t’u referohet dhe disa veglave të punës siç janë printerat, aparatet e fotokopjes dhe produktet shtëpiake siç janë ngjitësit.

Agjentët biologjik që ndikojnë në cilësinë e ajrit në shtëpi

Rreziqet biologjike lidhen me pranine e mikroogranizmave në ajër, siç janë myku, viruse dhe baktere, si dhe alergjenë në ambient të mbyllur siç janë merimangat e pluhurit dhe myk i bardhë.

Të parët mund të transmetojnë sëmundje të ndryshme ngjitëse siç është gripi, lia e dhenve, fruthi, pneumonia dhe legjioneloza. Të dytët përfshijnë merimangat e pluhurit, qimet e kafshëve shtëpiake, çimka dhe myk.

Disa lloje myku, siç është Anternaria alternata, gjithashtu mund të shkaktojnë zvhillimin e mykut të bardhë në fruta dhe perime të kalbura, si dhe në ambiente me shumë lagështirë, që çon në reagimet alergjike siç janë asthma, konjuktivit, rinit dhe dermatit. Kemi dhe polenin, një alergjen i cili zakonisht gjendet në ambient të hapur, por mund të hyjë edhe në ambiente të mbyllura, sidomos në muajt e pranverës kur zakonisht shpeshtohen alergjitë ndaj polenit.

Agjentët fizik që ndikojnë në cilësinë e ajrit në ambient të mbyllur

Faktorët fizik siç janë fushat elektromagnetike (EMF) dhe zhurma, gjithashtu mund të ndikojnë në cilësinë e ajrit në ambiente të mbyllura. Fushat elektromagnetike mund të shkaktohen nga radiot, sistemet TV dhe celulare, sistemet e transmetimit dhe transformimit të energjisë elektrike, impiantet industriale të përpunimit dhe, në përgjithësi, të gjitha pajisjet që ushqehen me energji elektrike, siç janë pajisjet elektroshtëpiake. Nga ana tjetër, zhurma përfshin një gamë të gjerë zhurmash që mund të jenë të pakëndshme, sidomos nëse janë me zë tepër të lartë.

Si të sigurojmë shkëmbim të mirë të ajrit?

Përmirësimi i cilësisë së ajrit që marrim në ambiente të mbyllura dhe zvogëlimi i përqendrimit të lëndëve ndotëse, qoftë kur vijnë nga jashtë apo brenda. Prandaj është e rëndësishme të sigurojmë ventilimin e duhur të ajrit. Por, në këtë rast ventili natyral që arrihet me hapjen e dritareve shpeshherë nuk është mjaft i efektshëm.

Në fakt, nëse nuk filtrohet siç duhet, ajri që hyn nga ambientet fqinje favorizon depërtimin e grimcave potencialisht të dëmshme për shëndetin, gjë që çon në rritjen e nivelit të ndotjes në ambiente të mbyllura. Për më tepër, hapja e dritareve e çon dëm nxehtësinë, që shkakton humbje të mëdha të energjisë dhe të parave.

Prandaj, ventilimi i kontrolluar mekanik është zgjidhja ideale për mirëmbajtjen e qarkullimit të vazhdueshëm të ajrit brenda shtëpisë dhe në përgjithësi në pallate të të gjitha llojeve, të banuara dendur. Siç u përmend, kjo teknologji specifike nënkupton përdorim të pajisjeve të cilat zakonisht instalohen në tavane të varura bashkë me sistemin e kanaleve të ventilimit, të cilat nga njëra anë e çojnë jashtë ajrin, dhe nga ana tjetër mundësojnë hyrjen e ajrit të pastër dhe të filtruar në ambient.

Ventilimi i kontrolluar mekanik

Me mbi 30 vjet përvojë në zhvillim dhe dizajnim të zgjidhjeve klimatike, Clivet ofron një gamë të gjerë të sistemeve të ventilimit mekanik, të krijuara posaçërisht për nevojat e çdo ambienti. Sistemet Clivet për rinovim dhe pastrim ajri, të cilat montohen lehtë dhe ofrojnë performanca të jashtëzakonshme, kanë sisteme aktive termodinamike që sigurojnë ngrohje, por edhe ftohje të ajrit në mes të sezonit, si dhe filtrat elektronikë që parandalojnë hyrjen e grimcave të pranishme në ajër nëpërmjet fushës elektrostatike.

Cilado zgjidhje e kontrolluar mekanike mund të instalohet bashkë me cilindo sistem ngrohjeje dhe klimatizimi, duke përfshirë pompa termike, ngrohje qendrore dhe sistemet split.