Pompat termike për ujë të nxehtë në shtëpi

PËRPARËSITË DHE SHPENZIMI

Pompat termike për ujë të nxehtë në shtëpi ju ofrojnë efikasitet të lartë në një hapësirë shumë të vogël. Por kjo nuk është e vetmja përparësi.

Pompa termike për ujë të nxehtë në shtëpi është një zgjidhje ekologjikisht e pranueshme për marrjen e ujit të nxehtë në shtëpinë tuaj, me efikasitet të lartë dhe shpenzim optimal të energjisë së harxhuar. Dobia më e madhe për përdoruesin është – ulja e çmimit të faturës.

Ndryshe nga modelet elektrike apo me gaz, kjo pajisje përdor burime të rinovueshme të energjisë, siç janë ajri nga mjedisi apo energjia e diellit nëpërmjet paneleve diellore. Gjithashtu, nuk emeton CO2 dhe grimca të dëmshme, gjë që e bën jashtëzakonisht të pranueshme ekologjikisht.

A ia vlen pompa termike për ujë të nxehtë? Pa dyshim!

• Kursimi ekonomik deri në 70%
• Efektshmëria e lartë energjetike dhe shpenzimi më i ulët
• Eco-friendly sepse përdor burime të rinovueshme të energjisë
• Respekton mjedisin – pa emetim të CO2 dhe të grimcave të dëmshme

Përparësitë kryesore të pompave termike për ujë të nxehtë

Përdorimi i burimeve të pastra dhe të rinovueshme të energjisë siç është ajri i jashtëm, mundëson kursim të energjisë elektrike deri në 70% si dhe eliminimin e nevojës për gaz natyror dhe gaz të lëngshëm të naftës (LPG), duke zvogëluar emetimin e elementeve të dëmshme.

Pompat termike për ujë të nxehtë mund të instalohen në objekte të reja dhe të rinovuara. Ky fleksibilitet qëndron edhe në faktin që nuk ka nevojë të lidhet me oxhakun. Mjafton që pompa termike të lidhet me sistemin e ujësjellësit dhe të energjisë elektrike. Mund të zgjidhni se ku doni të drejtoni ajrin e ftohtë që lëshohet si nënprodukt i ngrohjes së ujit nga pompa termike. Shpenzimi më i ulët i energjisë do të thotë shpenzime shumë më të ulëta në faturë.

Si punon pompa termike për ujë të nxehtë?

Për të kuptuar se si punon pompa termike për ujë të nxehtë, duhet të kuptoni teknologjinë kryesore në të cilën bazohet. Parimi i saj i punës bazohet në nxjerrjen e energjisë termike nga ambienti i jashtë dhe transferimin e kësaj energjie tek uji që hyn në pajisje. Procedura zhvillohet nëpër cikël të mbyllur dhe përbëhat nga tri hapa kryesore:

1. Ajri vjen në këmbyes në të cilin qarkullon një lëng ftohës që absorbon nxehtësinë deri sa të arrijë pikën e vlimit.
2. Pas kalimit në gjendje gazi, mjeti ftohës vjen në një kompresor që gjendet brenda pajisjes, duke rritur temperaturën e tij në mënyrë që nxehtësia të mund të transferohet tek uji që po nxehet.
3. Kur të transferohet e gjithë nxehtësia, lëngu ftohës kalon nëpër valvul ekspansioni që ul presionin dhe temperaturën e lëngut ftohës, duke e kthyer në gjendje fillestare. Pastaj cikli përsëritet.

Zbuloni zgjidhje të efektshme – pompa termike AQUA Plus SWAN-2

Për prodhimin e ujit të nxehtë në shtëpi, kompania Clivet dizajnoi pompën termike AQUA Plus SWAN-2 që arrin nivele më të larta të efekshmërisë në treg. Me një gamë të gjerë madhësish dhe konfigurimesh si dhe me dizajn modern, kjo pajisje përshtatet në mënyrë të përsosur në çdo ambient. Paneli kontrollues është i thjesht për t’u përdorur dhe është vendosur direkt në pajisje në mënyrë intuitive.
Ajo që e bën tërheqës këtë opsion është kursimi i energjisë. Në krahasim me bojler klasik, pompa termike AQUA Plus SWAN-2 mund të rezultojë me uljen e kostove të energjisë elektrike për ngrohjen e ujit deri në 75 përqind.

Mendoni për ndryshimin e sistemit në shtëpinë tuaj? Këtu mund të mësoni të gjitha informacionet rreth sistemeve hibride të Clivet-it.